洪永城否認與陳展鵬不和：有保持聯絡

藝人洪永城出席活動，與唐詩詠的好姊妹杜如風同場不停互窒，場面搞笑！對於有指拍攝劇集《張保仔》時陳展鵬黑面，不滿他的戲份比其多，他對此回應：「冇特別加到戲份，冇特別調整。（原本你哋friend唔friend？）OK架，有講有笑。（台慶影大合照時，佢企埋一邊？）佢最近拍緊《城寨英雄》，可能入戲表現得cool啲，又日打夜打，可能咁冇咁活躍。」

講到有指他向高層擦鞋，監制都前來探班，洪永城表示：「傾吓偈、講吓笑，唔係氹嘅，同事會互相關心，監制亦有探其他廠班。」問到有傳他在片場搞笑，令陳展鵬問「呢度唔係遊樂場」，對此他表示：「冇印象咁講，聽得多係佢話請食消夜。（影響友誼？）冇，有保持聯絡。（佢個人比較認真？）性格係優點，佢係我前輩，大家做嘢係要認真啲，演技上要向佢指教。」