元彪大陸開戲　預邀洪金寶合作

武打巨星元彪出席慈善高爾夫球活動，他透露近期少了打高球，因此技術生疏了，他笑說：「成日返內地做嘢，一個星期打到一次都好開心。高球唔同其他球類乒乓波咁，兩日冇打已經唔同，要成日打先得。」他表示將會在內地監製一套電影，會邀請師兄洪金寶一起合作，更大讚對方球技了得：「佢屋企近球場，成日可以打。（有冇同佢切磋球技？）一世平手，不過依家見到佢要搵路走，佢打得好叻，打得耐過我。」