林夏薇大讚老公勁細心:半夜親手燉燕窩
新婚的無綫小花林夏薇接受《好報》專訪,大談與老公莫贊生由拍拖、相戀到婚後的生活,她頗欣賞老公的細心,笑指對方曾半夜親手燉燕窩,還一條龍服務揸車送薇薇到外景地點,又不時捱眼瞓等她收工,為的只是透過電話送上慰問,令薇薇冧爆。

問她有甚麼讓老公傾倒?薇薇在電話中笑謂:「佢覺得我又演話劇又做戲好叻㗎!(老公咁有錢,有冇叫你做生意唔好做藝人?)我覺得兩樣嘢係分開,佢支持我做任何嘢,所以我就投資咗點心火鍋店。(老公打本?)我哋財政獨立。」對於另一花旦苟芸慧亦投資點心生意,問此舉是否打對台?林夏薇謂:「大家各有特色,我哋做傳統點心,夜晚先做火鍋,咁知佢開舖頭我都開心。」