重提婚外情　江華夫婦再遇鄧萃雯唔尷尬

藝人江華與鄧萃雯於1996年合作電視劇《我和春天有個約會》戲假情真，鄧萃雯介入江華與麥潔文的婚姻，江華與麥潔文接受電台訪問，憶述當年如何共同度過婚外情難關，夫婦兩人表示早已把事件放下，重遇鄧萃雯甚至合作也會尷尬！

哪個少年不輕狂

麥潔雯表示當年與江華婚後即誕下孩子，沒時間留意江華與鄧萃雯之間婚外情消息，而江華則說：「件事都已經發生咗，當中一定有原因，最重要係一齊面對，解決問題，而唔係單純考究對或錯。」江華更感慨講出一句「哪個少年不輕狂？」，他承認當年做過社會道德不接受的事情，反思後就要負責任。

欣賞雯女熱心公益

麥潔雯坦言當年知道江華有婚外情後，雖然感驚訝但冷靜處理：「我仲感覺到佢（江華）嘅心意仍有一半喺我身上，衡量過佢嘅優點同缺點後，覺得唔應該因為一啲缺點浮現就抹殺咗佢嘅優點，所以我一直等佢，重新調整番大家嘅步伐，共同行未來嘅人生路。」

問到現時如果重遇鄧萃雯，他們可會介懷？若江華與雯女一起演出又可會尷尬？兩人均表示不會感到尷尬：「我哋都好欣賞佢，因佢近年好熱心公益、服務社會，亦努力提升自己。」