李鴻杰練氣功抗腎石

藝人李鴻杰於銅鑼灣拍攝訪談節目，大方分享入行四十年的經歷。鴻杰透露年前發現生腎石，故狂練氣功及以手術抑制病情：「兩年前有2cm腎石，所以努力練氣功同做碎石手術，半年內縮小為0.18cm！依家頭痛都唔使食止痛藥，靠氣功搞掂！（開班授徒？）遲早嘅事。」

他又透露忙於準備首次擔任監製的舞台劇：「十月會開騷，除咗做出品人，仲第一次做舞台劇監製。為咗邀請黃淑儀、徐肇平、楊天經、黃芷晴等等演出，真係碌盡人情卡！」鴻杰大爆豪擲近百萬舉行公演：「劇本度咗一年。（揼本？）接近七位數搞三場表演。（想多做幕後工作？）想全面啲，幕前幕後都做，回饋吓社會。」