張可頤望青少年勇敢：跳樓解決唔到問題

藝人張可頤出席講座，曾患情緒病的她與學生分享經歷，有感青少年自殺率飆高的她，希望幫助青少年面對問題，而不是用跳樓解決問題，又謂：「唔知係咪依類新聞太多，令佢哋覺得同病相憐，都係要跳樓解決問題。」開設教育中心的她，主要幫中小學生補習及做勞作，但希望了解小朋友的心病，又謂自己小時候無人教情緒管理，望自己可以教到下一代，被問是否為了賺錢？她說：「比賺錢更加有意義啦！（全力搞？）依家喺屋企搵多啲資料。（有無小朋友向你求助？）有，好多，但唔算大件事，要話畀佢哋知世界唔係咁！」

對於無綫有不少藝人離巢，她認為：「藝人去到樽頸位，係應該要改變，我都係走咗先發現依家做嘅嘢更加有意義。」又謂無綫未有找她拍劇，如遇到有挑戰的角色亦會考慮。