唔会讲公事　恭硕良同忆莲默契十足

音乐人恭硕良（Jun）出席活动时被问到可会与女友林忆莲（Sandy）一起过中秋？他说：“我啱啱先喺北京返嚟，去做Sandy嘅唱片制作，有英国、香港同内地嘅代表，我哋就拣咗喺北京见面，4日时间谂咗好多桥出嚟。今次有3个唔同嘅监制。原来我好挂住啲好耐无出嚟唱歌嘅歌手，如果佢哋出嚟唱歌就好喇。我锺意嘅歌手有好多，彭羚系其中一个我好锺意嘅。有好多好似Sandy咁有功力同代表作嘅歌手，其实唔使做成张碟，做只single都好。好开心我今次个角色几好玩，想多啲媒体可以有唔同嘅交流。（Sandy有无畀咩feedback你？）我哋好多公事都唔讲，不过音乐上嘅交流就有，系我哋嘅共通点，我几proud of呢样嘢，音乐系我哋沟通嘅结果，已经好有默契。”提到麦当娜在港开骚掀起扑飞热，问到他可有抢到？他说：“抢咗啦。（买到？）梗系买唔到啦喺香港，我要去第二度睇。（你有无喺电脑前系咁揿？）我通常有个人揿开嘅。”