米蘭時裝周　胡杏兒升呢坐頭排睇騷

藝人胡杏兒於米蘭時間25日現身當地舉行的《Etro 2016春夏時裝騷》，她身穿西褲套裝長褸，一身中性打扮，到場後她直入後台，差不多開場前才返回頭排座位睇騷，完騷後再次入後台與設計師見面。

杏兒表示這是首度到米蘭欣賞時裝周，感覺好玩，氣氛很好，但行程緊密，明天離開，返回大陸開工，她說：「今次完全冇時間Shopping。（有買嘢畀男友？）我連自己嗰份都冇買。（冇時間睇結婚場地？）冇呀，今次係睇騷。（睇定意大利婚紗？）我自己有婚紗店，會支持番自己。」

談及工作，她表示只要有好角色、適合，不介意與任何公司合作。問可有與無綫聯絡？她說：「冇聯絡，因為分開咗，完咗合約。（簽咗蕭定一公司後升呢嚟米蘭睇時裝？）呢個係之前安排，今年好多新嘗試。」