獎座擺滿櫃　10億導演王晶：就係冇金像獎

導演王晶、羅蘭、湯怡和衛詩雅等在旺角出席「全民投選電影金影奬」頒獎典禮。王晶在頒獎典禮中奪得「30年最高票房香港電影導演」，而其執導的電影《賭俠》則獲得「最令人難忘香港電影」。訪問時他又坦言獎座已經擺滿櫃：「但就係冇金像獎，不過都係遊戲嚟，開心就得。」更對獲獎不太意外：「如果遊戲規則冇咩改變，對我就好有利嘅。嗰20年已經贏咗好遠，都10億喇。」但指無法與中國內地票房比較。問他是否以為會《賭神2》贏「最令人難忘香港電影」，他謂：「因為嗰時計《賭神2》票房最勁，所以《賭俠》拎就好有驚喜，套戲都成25年。」

羅蘭憑「龍婆」奪「最令人難忘香港電影女角色」

至於羅蘭就憑電影《七月十四》的「龍婆」奪得「最令人難忘香港電影女角色」。她就表示自此電影後，好多人都找她再演「龍婆」。問她是否憑這個角色而賺大錢？她笑謂：「少少啦，有啲啦，我呢啲人工好奀架咋。」雖然有人再找她演「龍婆」的話不會加人工，但她就直言會少做此角色：「拍嚟拍去個演繹都係咁上下，次次都係矇矇眼，鬼聲鬼氣咁。」記者提議她挑戰飾演麥當娜，她笑謂：「好呀！（佢身材好好！）咁我又唔得喇！」

另外，電影《激戰》亦贏得「最令人難忘香港電影」，而張家輝不但憑《激戰》奪「最令人難忘的香港電影男角色」，亦憑《賭城風雲2》取得「2015最喜愛香港電影男角色」。至於「2015最喜愛香港電影女角色」則由《雛妓》的蔡卓妍奪得，惟他們都因工而未能出席領獎。