东网电视
更多新闻短片
李克勤甘心输畀孙楠，又赞佢系中国第一男声。
1/7
李克勤与师妹Robynn & Kendy和师弟周殷廷一齐宣传新歌《恋爱为何物》，四人即场着住特制“恋爱为何袜”大玩桌上足球。讲到新歌宣传安排，克勤表示：“依家唱片难做，公司同事就帮我谂咗依个宣传方法，今次系新碟第三首派台歌，咁就食字玩吓‘袜’啦。”他又笑言自己是工作狂：“啱啱先喺上海返嚟，又要忙到十月头，得闲都系同太太喺香港玩吓，就算远行都系去3、4日，始终小朋友要返学。”
讲到克勤在内地节目《蒙面歌王》输给孙楠，他直言觉得孙楠实至名归：“佢系中国歌神吖嘛，佢系各方面都好厉害，依啲节目冇输赢嘅，参加对我嚟讲都系一个挑战，今年有两件事对我嚟讲系挑战，一个系《蒙面歌王》，一个系同容祖儿开骚，前几年都过得太安全。”
谈到在网络投票克勤的得票比孙楠高：“总之就最后就系孙楠赢咗啦，我都输得心服口服，有啲人问我入行咁多年仲参加（比赛）节目，但我冇将前后辈摆上心，当系一个音乐交流，依家内地大方向都系依类节目，除咗名次之外都帮到喺内地嘅知名度，多咗歌迷听我嘅歌。”问到克勤有否因此增加了内地工作？他直言的确多了，谈到他最近很忙，他笑言：“无计啦，家庭负担重吖嘛。”
预告再出无綫骚
讲到克勤与祖儿的演唱会完结后，红馆随即改建成保良局的慈善骚舞台，而克勤更在微博打上“不是味儿”的字句，克勤直言：“就系不是味儿，但唔系啲咩贬意嘅意思，就有啲忐忑，明明早两日个台仲系我哋企喺度。”他又感谢保良局当日帮手协调才能加场。问到身为环球歌手的克勤几时再演出无綫的骚，他即表示：“好快，10月10就有个骚，大家关系好好嘅。”
谈到网上有人表示若克勤不是选择唱谭咏麟（校长）的《披着羊皮的狼》会增加夺冠机会，克勤表示其实只要他不是冠军都会有人觉得他拣错歌：“因为今次系最后一首歌，情义结上会带校长嘅歌上去，又系国语歌，今次又系户外场，所以都拣咗首有气势嘅歌，冇话拣唔拣错，系护身符。”
“东网巨星”fb专页：
每日Keep住推介最“精”最“趣”娱闻，只需数分钟，即可化身娱乐通，茶馀饭后唔惊冇话题。想加入热议最hit最爆娱闻行列？呢个专页真系不Like不可。
李克勤再赞孙楠各方面都好劲。
李克勤最近忙到爆。
大骚球技！
Robynn & Kendy
玩得劲开心。
大合照。
