愛的表現　梁家輝同老婆互相檢查防乳癌

影帝梁家輝出席關注乳癌運動，在台上表示早在十年前，便與老婆江嘉年「互相」作檢查，笑言這是愛的表現，更指今晚前來的目的，是特意來拿防止乳癌相關的小冊子，給予一對寶貝孖女Nikkie（大女）及Chloe（細女），然後再交由老婆負責說教。

家輝表示現今這個現代科技社會，經常受到電子產品的幅射以及食物的化學物質所影響，故比從前容易患上癌病，自己早在兩年前已經支持該活動，說：「今次係第二次支持，上次喺台北出席，今次因為忙住拍戲，所以今次喺香港出席。（電影《寒戰2》埋尾未？）唔方便透露得太多。」

兩乖女出活動非為增曝光率

問到會否勸喻Nikkie及Chloe減少使用電子產品？家輝表示：「佢哋好少煲劇，會提佢哋唔好將手機放喺心口。（兩個囡囡返咗加拿大？）喺香港！佢哋今年已經畢咗業，有個仲出嚟做嘢！（邊個？）Chloe！（做咩工作？）唔講啦！」而提到Nikkie及Chloe早前首度出席品牌活動，家輝表示事前已收到她們通知，自己亦不介意她們亮相公開場合，說：「我唔介意，因為係自己嘅選擇，佢哋都唔係想增加曝光率先去，出席活動可以畀機會佢哋見識，唔係淨係擺個靚Pose，等第二日新聞出。佢哋都話唔做訪問，因為佢哋純粹鍾意個品牌，想支持個品牌。（支持佢哋入娛樂圈？）咁多年都有溝通過，畀好大自由度佢哋選擇人生道路，但冇聽過佢哋想拍戲同唱歌。」