爱的表现　梁家辉同老婆互相检查防乳癌

影帝梁家辉出席关注乳癌运动，在台上表示早在十年前，便与老婆江嘉年“互相”作检查，笑言这是爱的表现，更指今晚前来的目的，是特意来拿防止乳癌相关的小册子，给予一对宝贝孖女Nikkie（大女）及Chloe（细女），然后再交由老婆负责说教。

家辉表示现今这个现代科技社会，经常受到电子产品的幅射以及食物的化学物质所影响，故比从前容易患上癌病，自己早在两年前已经支持该活动，说：“今次系第二次支持，上次喺台北出席，今次因为忙住拍戏，所以今次喺香港出席。（电影《寒战2》埋尾未？）唔方便透露得太多。”

两乖女出活动非为增曝光率

问到会否劝喻Nikkie及Chloe减少使用电子产品？家辉表示：“佢哋好少煲剧，会提佢哋唔好将手机放喺心口。（两个囡囡返咗加拿大？）喺香港！佢哋今年已经毕咗业，有个仲出嚟做嘢！（边个？）Chloe！（做咩工作？）唔讲啦！”而提到Nikkie及Chloe早前首度出席品牌活动，家辉表示事前已收到她们通知，自己亦不介意她们亮相公开场合，说：“我唔介意，因为系自己嘅选择，佢哋都唔系想增加曝光率先去，出席活动可以畀机会佢哋见识，唔系净系摆个靓Pose，等第二日新闻出。佢哋都话唔做访问，因为佢哋纯粹锺意个品牌，想支持个品牌。（支持佢哋入娱乐圈？）咁多年都有沟通过，畀好大自由度佢哋选择人生道路，但冇听过佢哋想拍戏同唱歌。”