無懼負評意志更堅定　FFx繼續行跳唱

因慳水慳力超hea的歌曲《Sugar Baby》MV，惹來連串負評的女子組合FFx在電台錄音訪問中，談論多日來承受的壓力和心路歷程，她們坦言：「諗番起嚟真係好得人驚，一夜之間成為眾矢之的，媽聲四起，大家又被人起底，連累到自己屋企人受罵。」幸四女互相扶持，一齊共度難關，成員Shirley笑說：「呢十幾日就好似容祖兒首歌嘅歌詞『…來回地獄又折返人間！』，大家成長咗好多，更堅定咗跳唱演藝之路，我哋會繼續努力。」

※組合FFx面對連串負評，坦言承受很大壓力。