黃秋生嫌陳凱琳滋擾：揸槍個樣很猙獰

黃秋生有份參演台慶劇《梟雄》，更出席台慶亮燈儀式，坦言以前恨出席，依家就嚟工作，問是否不想出席，他說:「唔係想唔想，唔想就唔嚟啦！」談到視帝獎項，秋生謂：「應該無啩！叫咗我嚟頒獎，唔通自己頒畀自己。（頒視帝？）咁又未必，如果頒都頒畀黎耀祥，咁先啱數，佢會幫無綫拍劇，而且祥仔真係做得好。」

問到現時新人是否不太認識，秋生謂：「都係，綵排時阿姐（汪明荃）都叫唔出佢哋啲名，係多但冇乜人跑出，啲新人個個都冇自己風格，好似複製人咁。」問到點睇陳凱琳，他說：「幾靚女，算有Character，另外就係蔡思貝。」問到有否看《張保仔》，他說：「陳凱琳劇入面太多小動作，太滋擾。（會否同佢講？）唔會，你哋寫出嚟又話我鬧人，但我係善意，佢真係靚女，但佢揸槍個樣好猙獰。」

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。