蘇永康自言同黃家強合唱有基味

由任賢齊、蘇永康、梁漢文（Edmond）和黃家強組成的「男人幫」接受訪問，講到蘇康和Edmond同屬Big Four兼男人幫，如果二選一只可選其中一隊，他們會怎樣選擇？此時家強即「恐嚇」他們：「我哋喺到，小心啲講嘢。」之後蘇康和Edmond即齊聲表示：「我哋做得牆頭草就做盡啲，梗係揀男人幫啦！」至於講到他們合作出碟，其中蘇康推薦與家強合唱的《舊愛還是最美》，但兩人笑言有點曖昧：「兩個已婚男人坐喺度唱歌，但歌詞就講緊舊女友，有少少斷背山感覺。」問家強唱此曲時可是想起蘇康？他即謂：「點會諗起佢？係諗起舊愛！」而家強就推介跟Edmond合唱的《情人》，並笑言：「呢首又係曖昧咗嘅，但首歌唔一定淨係講情情塔塔。」