彈完再讚　鄭嘉穎評陳凱琳演技：太用力

藝人鄭嘉穎出席慈善活動，透露正值放假，但也有斟洽內地工作及真人騷，談到女友陳凱琳（Grace）擔正的《張保仔》熱播中，但卻被影帝黃秋生狠批演技，嘉穎似是有備而來，他謂：「每樣嘢都有過程，一個新人嚟講算唔錯，唔可以skip咗由小學跳到大學，都要讀中學，依家佢係起步階段。」更指聽到不少如秋生的善意批評，直言對方講得中肯及善意，反觀自己還是新人時卻沒有那樣幸運獲前輩提點。

撐女友有個性

嘉穎不諱言若一開始只有讚美說話並非好事，他認同秋生指當今新人缺乏character，但就力撐女友有character，他謂：「只要繼續畀心機，遲啲就會不斷進步。（佢最大問題係乜？）overall嚟講太用力，每場戲都用力的話就等於冇用力，要適當時用力。（會唔會因為台慶劇所以緊張？）唔好理係咪台慶劇，新人去孭一套劇唔容易，我以前未做主角前幾日先拍十幾場，但做主角就一日已經要拍十幾場，所以分析同準備時間會少咗！呢個係主、配角分別。」

唔怕洪永城同陳展鵬被指介入

有指他特別於台慶亮燈夜回港氹女友，嘉穎笑謂：「唔需要，佢係好有智慧嘅人，呢啲係每個人必經階段，有信心佢喺好短時間有大躍進。（傳洪永城同陳展鵬介入咗你哋戀情？）吹水嘢唔好理。（咁陳凱琳話想搞森林婚禮同組織家庭！）呢啲後話啦。（你想唔想？）呢啲到時先算！今日太離題喇！」

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。