黃又南獲100名「王家欣」撐新片

由男星黃又南、吳千語等主演的新片《王家欣》，早前於旺角舉行「王家欣專屬優先場」，特別悉心安排100位同名同姓的「王家欣」到場一起欣賞電影，導演劉偉恒、黃又南與泰臣到場答謝一百位「王家欣」的支持。

唱住歌現身

又南先係清唱電影主題曲現身，令全場的「王家欣」即發出尖叫，有粉絲大叫「俊賢呀」，面對影迷的熱烈反應，又南和泰臣表示很感動，又南說：「剛才我唱住歌入戲院，見到大家反應好熱烈，心裏面真係好感動，即刻有番拍戲時的感覺。」而女主角吳千語因身處韓國拍攝新作而未能出席，又南表示千語也有傳訊息問現場的情況，他說：「其實拍呢部戲真係好開心，因為大家都好眾志成城去宣傳，千語也會傳訊息問情況如何，又會說她人不在但也支持我們。」

感覺好得意

有影迷問到會否成立「王家欣聯誼會」？又南笑言自己也很期待，他說：「其實今次拍呢部戲真係好得意，完全冇諗過真係會搵咁多王家欣一齊睇戲，剛才他們跟我合照時，每個都會講一句『我係王家欣呀』，感覺好特別好得意，而且在這麼多『王家欣』中，竟然有一個係男仔，原來真係有男仔係叫『王家欣』，而且觀眾都開心，他們也說見到好多同自己同名同姓的人，感覺好得意，有些觀眾更說『多謝我幫佢識到好多王家欣』」，我希望電影公司可以再搞多幾場『王家欣場』，將俊賢的純真延續落去。」