羅家英孖羅蘭惡搞《激光中》勁爆笑
20151006
東網電視
更多新聞短片
羅家英孖羅蘭聯手炮製《驚慌中》，齋睇陣容都覺得吸引！
「光加熱就等於火～」巨星羅文首《激光中》可算是經典神曲，無論係MV定歌詞，相信大家點都睇過，或者識唱番幾句。早排羅家英為主題公園哈囉喂拍廣告時，就惡搞咗呢首經典之作，叫做《驚慌中》。首歌MV製作十分認真，無論係造型、拍攝手法定場景都同羅文嘅版本非常相似，但羅家英版就搵嚟「鬼后」羅蘭做女主角，而且歌詞又勁抵死，網民睇到之後都LIKE爆！
雖然《驚慌中》係為咗萬聖節而製作，但唔少歌詞唔恐怖之餘，仲令網友一聽到就不禁笑咗出嚟，好似「羅加英就等於我」、「我用THE WALKING DEAD將你來鎖」、「此刻阿姐嚇親我，我嗌到沒法擋」等。網友大讚填詞者夠晒創意，而且啲詞明顯為羅家英度身訂造，感覺更加好笑！
而客串女主角嘅羅蘭亦喺MV中交足戲，佢依偎喺羅家英身上露出甜笑，仲大膽撫摸羅家英心口，勁重口味，引得網友激讚羅蘭好正！
網民有話兒：
Lxxxg Kxxha：拍攝得好有舊時代既（嘅）feel 正！
Wixxxxm Kxxng：羅記彈返（番）起身讚好
大xx：羅記黎（嚟）左（咗）
Kxxxs Lxm：羅蘭好正～
Lxxxg Kx Chxxx：嚇到個心離一離
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。