又變樣再被指整容　傅穎晦氣：覺得有就有

藝人傅穎（Theresa）出席活動時，被指樣子又變得精緻了，對此她說：「多謝你哋，每次我出嚟都話我個樣精緻咗，都咁多年，可能太耐無見我，印象停留咗喺十幾年前。（你啲朋友有無覺得你唔同咗樣？）就算過咗十幾年、幾個月、幾日，你哋都話我個樣唔同咗，我keep住回覆都無乜意思，你哋無非都係想知我有無整過。大家覺得有就有，無就無啦，已經到咗一個唔需要解釋嘅地方。」

問到她有否感到自己的外貌和以前不同？Theresa表示：「我自己覺得係我愈大愈進步，識打扮識化妝，我睇番自己十年前個樣都有啲驚訝。我每次出嚟，大家都話我個樣精緻咗，觀眾都悶啦。」

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。