姚樂怡晒線影大肚寫真

藝人姚樂怡（Sherming）喺微博上載咗一張大肚照，相中化咗妝嘅佢精神奕奕，雖然已經佗B差唔多7個月，但係手臂仍然好纖幼！唔單止塊V面仍然喺度，皮膚仲好白滑，果然係靚媽一名。

Sherming仲喺微博留言，透露身處Studio影緊相，眼見上圍逼爆嘅佢身穿小背心，肚仔仲畫上一個可愛嘅卡通表情，相當有童真！其實有留意開Sherming微博嘅粉絲，唔難發現佢周不時同朋友出去拍低幸福孕記，好似得閒就相約另一位幸福媽媽兼好姊妹湯盈盈，順便學吓湊仔經！

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。