馮寶寶首演粵劇心情澎湃：似患產後憂鬱

藝人馮寶寶完成首個粵劇《拜將臺》演出後，休息兩天即飛赴土耳其、羅馬及希臘拍攝第二輯《聖地之旅》，她笑言演畢《拜》劇後心情澎湃激動，就似患上「產後憂鬱症」，直至上機前還未平復：「我一向膽生毛，有勇氣接受任何挑戰，但今次演粵劇，親身體會過之後，真正對演粵劇藝人寫個服字，實在太難啦。」

自創記憶法

馮寶寶又自言首演前緊張到喊，並謂今次衝破了自己的記憶極限，多謝一班觀眾的信任買票來看，她透露童年拍戲時自創一套「馮寶寶記憶法」：「高音就劃一座山，如果中音就變心電圖，低音就繪上點點點，今次我將呢套秘技重新用上。為怕自己唔習慣，所以我排練時都着戲服，喺嗰個布景樓梯行上行落，行了幾天，真係瘦咗幾磅。」並謂今次親自演出粵劇，完成了一生的心願也無憾了。此外，馮寶寶透露明年將動筆寫自傳。