龍小菌感激超市不提控：之前驚會有案底

歌手龍小菌現身東區法院，為早前在超市涉嫌偷竊，事後被控一項盜竊罪再次出庭審訊，經法官審理後，由於對方（超級市場）決定不提控訴，法官准許撤銷控罪，判龍小菌以一千元自簽守行為12個月。

小菌事後接受訪問直言感謝對方不提控：「以後都會更加小心，唔會咁大頭蝦冇畀錢就出門口，嗰次唔小心都好多因素，好攰又唔舒服。」她坦言現在每次出超市都會驚，試過有次經過門口警報誤嗚都令自己虛驚一場。

小菌又講到案件終於有個了結，可以放下心頭大石：「唔使再咁擔心，可以專心做其他嘢，之前都有擔心過會唔會有案底、有影響嗰啲，好彩律師都幫我處理得好好，到最後大家有一個共識都好感恩。」小菌坦言之前屋企人都為她擔心，經常關心她事件進度：「因為我好多嘢都少同佢哋講，好似我蒙面唱歌都冇話佢哋知，依家終於一天都光晒。」

問到今次可花一大筆錢請律師？小菌即感激今次律師團義務幫自己。至於及後的工作，小菌表示今年會完成在香港大學修讀的中文系碩士課程，亦另外與一隊樂隊正在做音樂，希望個人和Band隊方面都會盡快有新歌。

離開法院後，小菌即在Instagram上載一張望海照，並發文逐一感謝親友支持，當中包括家人、律師及其團隊、經理人邵子風及女友、公司同事及網友。

另外，牽涉於另一單案件的經理人邵子風就大呻案件足足拖了一年，不過現在是「清白之身」、沒有任何罪名亦可喜可賀，可能會與公司同事食飯慶祝。