E-Kids被封MK Pop始祖 林泳拒絕再玩

20151009
東網電視
更多新聞短片
林泳(左圖)對於E-Kids被封為MK POP始祖表示非常開心。
前組合E-Kids成員林泳(Alan)於九展舉行個人音樂會,受訪時,他表示兩年前與E-Kids另一成員Kasa(原名Tim)合作開騷,這次則是首次舉行個人騷:「都籌備咗兩個幾月,同埋個個都以為我跳舞,我就特登去練琴,自彈自唱。」
當初E-Kids得校長譚詠麟賞識,Alan謂雖然這次校長未能到場,但就有拍片為他打氣:「綵排嘅時候我睇到忍唔住喊咗出嚟!」問到是否一直有與校長聯絡?他說:「佢生日我有打畀佢,早兩年Tommy唔夠膽打畀佢,就叫我打畀校長,之後校長就話冇嬲佢,叫我哋生生性性就得,希望我哋做到成績畀佢睇!」
講到演唱會中大跳貼身舞,Alan坦言一開始非常怕醜:「突然安排咁好身材嘅嚟,我唔敢望,排舞都唔戴con,掃完佢哋大髀即刻講唔好意思!」問到可有邀請舊成員出席?他表示曾聯絡Kasa,但對方忙於推出新歌,又透露聽過有人想找E-Kids合體開騷:「如果真係大家嘅集體回憶,我冇問題,我ready嘅!(Tommy ok?)好難搵到佢。」他又透露希望能與同年代的組合一同開騷:「好似Cookies、Shine、EO2、Boy'z,想有一個雜錦騷!」
提到E-Kids被封為MK POP始祖,Alan表示非常開心:「證明我哋嘅形象係成功,唔係食煙飲酒講粗口,只不過個頭嘅顏色係咁。」他又謂有留意現今的MK POP,問到可會再走這個路線?他笑說:「《Sugar Baby》?!你覺得我咁嘅年紀仲可以咩?我驚漏死人!」又謂希望以林泳身分,有新形象帶給大家。
而師弟Gentlemen就謂從Alan身上學到很多,並大讚對方勤力!