陳國邦澄清離巢原因 絕無受不公對待

20151011
東網電視
更多新聞短片
47歲陳國邦表示離巢的原因是考慮前途的問題,又話當封公開信係佢嘅求職信咁話。

藝人陳國邦自己撰文要離開無綫尋求突破,因而惹來外界不少揣測是否受到不公對待。剛從台灣演完舞台劇返港的陳國邦,由太太羅敏莊接機後,便向《東網》表示,他自己撰文只是想「我手寫我心」,不想外間的想法有所扭曲,並強調自己在信中從未怨過任人,還笑言他所寫的並非一封「勒索信」,要向公司(無綫)換來一些東西。相反,希望外界當他所寫的反而是一封「求職信」。

而對無綫高層曾勵珍向記者表示對他的離去不覺可惜一說,國邦認為曾勵珍是明白他的。國邦說:「其實我有睇番珍姐嘅報道,我覺得珍姐明白我心諗緊咩,正如佢講,可能一年半載後我哋會再見呢。(和珍姐交情?)我哋關係幾好,佢好尊重我、好欣賞我,佢話唔可惜,其實冇傷害我嘅感覺,珍姐只係講事實,我封信中亦講咗我離開係自己問題,唔關邊個事,我只考慮自己前途,自己生命點行落去啫,並冇唔愉快!我嗰封唔係勒索信,唔係要向公司換啲乜嘢,如果真係換到都唔成一間公司,大家不如當我呢封係求職信啦!(一直冇怨過?)年青時候有怨過,有嬲過,但依家冇啦!人生有唔同經歷,你以為我個樣細咋,其實我年紀唔細47歲啦,我都要為自己前途諗吓,我又唔係唔做演員,我一樣會繼續演出,我仍好醉心我演藝工作,好似今次剛為舞台劇《相約星期二》喺台灣巡演,之後喺香港上演,我個導師仲講笑話我咁講係咪谷飛呀?!」

「東網巨星」fb專頁:
以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。
http://www.facebook.com/onccstars