靠害？千語求又南正面全裸慶功：我想睇

吳千語、黃又南、草蜢、泰臣（翟凱泰）及周俊偉等到旺角出席電影《王家欣》慈善首映禮，大會邀請了多位叫王家欣的女士到場，宣布「王家欣聯誼會」正式成立！而瑞士Rodania亞太區總裁高鼎國先生及夫人高張尹馨在台上送贈名貴腕表予千語、又南及導演劉偉恆。

儀式後，主角千語及又南齊齊受訪，對於票房期望，又南表示唔敢諗，並謂自己交足功課絕冇揸流攤，千語則表示已到多場優先場謝票，反應甚佳，並謂多謝觀眾支持！問到若票房報捷，又南會否露股報答Fans？他說：「我拍戲都露過股啦！唔使啦！（咁全裸？）冇咁嘅必要，我哋好正面。」問到是否指「正面全裸」時，千語即瞪大眼說：「我都想睇吓，未聽過有人話正面！」又南解釋是指電影訊息正面：「套戲老少咸宜，又有親情！」

唔恨世紀婚禮：工作已花好多時間應酬

談到男友林峯沒有撐場，她表示對方說會自己買飛支持，因一個人睇戲可較專心。提到好友Angelababy與黃曉明舉行豪華婚禮後，林峯表示無意效法，並透露將來會低調成婚，對此千語表示贊成：「低調都ok，工作已花好多時間應酬。（有晒共識？）冇真正傾，但大家都係咁諗。（羨慕Baby世紀婚禮？）咁佢老公曉明有做生意，要招呼多啲人，我哋情況唔同，我要開工好可惜去唔到做伴娘，但有睇啲相，好搞笑，曉明有扮嘢扮Big Bang。（點睇個婚禮畀人鬧太奢華？）做咩都會畀人鬧，最緊要當事人開心，成日話人會太負能量，我哋應該送祝福。」

又南表示下月會為好友徐天佑的婚禮擔任迎賓，問到有否因天佑結婚，連帶他被催婚？他說：「冇壓力，呢啲冇得催，過埋天佑好日子先，咁我都想將來可以有頭家嘅。」

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。

http://www.facebook.com/onccstars