年過60陳澤民潮爆飛機頭夜蒲

藝人陳見飛嘅爸爸陳澤民早前曾申請破產，近年喺北京定居並做生意嘅佢，雖然已經年過六十，但依然打扮得好似時下年輕人，熱愛夜生活嘅佢，呢日仲被拍得喺北京三里屯夜蒲添！以「戰鬥格」去夜蒲嘅陳澤民，而佢個髮型更成為焦點，有髮型師稱陳父個髮型屬飛機頭一種，喺70年代流行嘅飛機油脂頭，又有網友稱佢個髮型好似機械人版嘅方力申。而陳澤民亦相當有精力，夜蒲到深夜先肯走！蒲得相當盡興嘅佢同兩位朋友一齊喺KTV離開，喺門外同其他朋友握手兼攬攬say goodbye，依依不捨咁，最後就同朋友一齊搭車走。