自嘲冇勇氣整容　張敬軒自爆天生夾萬鼻

歌手張敬軒舉行音樂會，訪問時講到軒仔開騷時話諗過要整容，他笑言只是隨口講：「冇勇氣，有就整咗啦，以前我媽成日話我蒜頭鼻，後來有高人話我個鼻聚財，即係夾萬鼻，男人最緊要個鼻。」他又指或會嘗試新式的微調打針：「依家都係自然好，同保持心境開朗。」

問到軒仔胃酸倒流情況，他直言已經比之前好很多：「可能因為食得太好，精神都有啲影響，未試過同時有幾個Project進行。」他表示已經睇了醫生，亦正食中藥調理。

談到軒仔在音樂會中提到版稅問題，問到是否以後開騷有很多歌都不能唱？軒仔直言到時要按預算評估，今次開騷因為BUDGET有限，所以有很多歌沒有唱：「其實都用咗好多錢喺版稅上面，其實都可以理解嘅，因為依家好多時都收唔到稅，特別係大陸唱嘅稅。」他又指很多海外公司的版稅都收緊了，令到新碟中有首法文歌想唱都沒機會：「因為今次特別啲有直播，我都係第一次開騷係咁。」

講到音樂會的監製Johnny Yim之前涉嫌醉駕，軒仔直言不會評論他人的事，但指對方是其多年拍檔，比較擔心他的人生安全：「佢知以後要點做架喇，佢都好出力幫我依個騷，好病都幫我，知佢都啪咗好多抗生素。」