Travis Barker自爆空劫餘生心理受創諗自殺

美國樂隊Blink 182鼓手Travis Barker有傳奇經歷，2008年表演完畢坐私人飛機從南卡萊納州前往加州，起飛時飛機失控墜落公路，Travis兩名助手和兩名機師喪生，他和另一人生還，但有65%皮膚燒傷，一度危殆，幸好最終逃出鬼門關。Travis近日出自傳講述人生低潮，他日前受訪自爆空難後心理出現唔正常，患上創傷後壓力症候群（PTSD），覺得自己唔應該生存，經常諗住自殺，幸好他有一對年幼仔女，唔想兩人失去父親，因而打消自殺念頭。