離婚收場 陳玉蓮自嘲天真嫁錯郎

20151018
東網電視
更多新聞短片
陳玉蓮坦言當初明知唔啱都結婚,依家專心修行,唔會再搵伴侶!

藝人陳玉蓮(蓮妹)與王玉環日前現身黎燕珊主持的有線節目《往事.並不如煙》,三位好姊妹聚頭即互爆彼此感情事。陳玉蓮被問及與周潤發的一段情,有傳男方因與她分手而自殺入院,蓮妹表示:「我哋之間無任何壓力,只係大家都好忙,無時間同對方相處,久而久之好難繼續走下去。」其後她下嫁陳超武,可惜最終離婚收場。回顧這一段七年的婚姻,她認為是自己太天真:「當時對愛情好傻,就算明知唔適合都樁個頭埋去,未考慮得夠清楚。」近年專心修行的陳玉蓮又謂沒再想感情事:「即使那個人完全支持我都唔得,所有事都無法兩全其美,我將所有時間放在修行上,唔會再搵伴侶。」

王玉環因午馬轉行

而影星王玉環從「鬼后」轉行做保險,事業闖出另一高峰,她稱全因舊愛午馬:「我當時將所有時間、金錢投資晒落佢度,一分手就咩都無晒,所以只好轉行維生。」其後在工作時認識現任丈夫,王玉環自言二人同樣對工作認真:「我哋嘅理念好夾,大家都係為工作全程拼搏,我當初都係欣賞佢呢樣嘢。」王玉環又爆料,分享見證黎燕珊的前夫劉永追求她的經過,笑說:「我同蓮妹都有畀意見佢,不過佢已經盲目投入愛情世界,完全聽唔入耳,不過如今有一對咁聽話的仔女,都替阿珊開心。」