安志杰JC闪爆返港 望顺产生B
20151022
东网电视
更多新闻短片
安志杰、JC喺马尔代夫订婚后返港。
蜜运一年多的男星安志杰（Andy）与名模Jessica C.（JC）早前出席活动时默认有喜，Andy更承诺旅行回来会有好消息公布。Andy日前已透过经理人宣布已在马尔代夫成功求婚，正式将JC私有化，两人最快明年拉埋天窗，双喜临门！
Andy和身穿松身裙的JC今日从马尔代夫返港，早上约8时半现身机场，二人的助手亦有带同Andy的爱犬来接机，两人甫见记者即挥手打招呼，JC又忍不住与爱犬锡锡，期间更大晒Andy送的求婚钻戒，闪爆！
怀孕五个月
问到Andy的求婚计划筹备了多久？他说：“个几月。（有咗bb先求婚？）上次出活动唔讲，系因为想畀惊喜佢，希望求完婚先讲出嚟。”JC补充说：“好惊喜，系好浪漫嘅set up同晚餐，仲系庆祝拍拖一周年纪念。（bb依家几多个月？）差唔多5个月，本身有啲紧张，但已经慢慢适应。（有冇好唔舒服？）I'm ok now。（啱啱发现有bb嗰阵有咩感觉？）好惊讶，系一个大嘅惊喜，一个exciting嘅惊喜，因为系第一次怀孕，同埋有人向自己求婚，好开心，但我知道有bb后都冇畀任何压力Andy。”
美国待产 稍后在港补办婚礼
问到是否没有bb就暂未有结婚打算？Andy说：“之前有同佢倾过嘅，但我嗰阵饮醉酒，佢以为我讲大话。”而日前有传待bb出生后，会在美国举办婚礼，JC透露暂未知详细安排：“我唔知道，因为好多嘢嚟得太快，好多嘢要计划，但我之后会返美国待产，生完bb再一齐返香港。”Andy又谓会暂时放下手上工作，陪JC一同返美国待产，直到bb出世，还表示或会待bb出世后，在港补办婚礼。
寄居蟹藏求婚钻戒？
问到求婚戒指有多少卡？Andy透露近2卡，JC开心说：“收到好惊喜，戒指好完美，马尔代夫嘅沙滩有好多寄居蟹，睇睇吓突然发现有只戒指，我开心无法言喻。”谈及是否已得知bb性别，Andy说：“好快会知，男女都唔介意。（知唔知婷婷有祝福你哋？）冇留意，会多谢佢。”JC此时即甜蜜表示：“Andy以前是我的男朋友，现在是我未婚夫。”
问到马尔代夫对二人是否有特别意义？Andy说：“好正，寻晚同5、6只魔鬼鱼一齐游水。（父母知道好开心？）系呀，佢哋好开心。”JC续表示待完成手上的少许工作便暂时停工，产后亦会休息数月，并透露暂未得知预产期：“今个星期会睇医生。（想顺产定开刀？）我会努力，如果应付到，会尝试自然分娩。”二人话毕即应记者要求4度锡锡，表现十分恩爱。
“东网巨星”fb专页：
每日Keep住推介最“精”最“趣”娱闻，只需数分钟，即可化身娱乐通，茶馀饭后唔惊冇话题。想加入热议最hit最爆娱闻行列？呢个专页真系不Like不可。