雷頌德支持太太有工開:煩少老公好多

20151022
東網電視
更多新聞短片
雷頌德的太太Jade將會與側田合作做主持。

音樂人雷頌德(Mark)與太太梁家玉Jade及歌手側田今日到尖沙咀出席無綫新節目《閨密教煮》記者招待會。

Jade是節目主持之一,原來作為人妻的她廚藝一向了得,就連在旁的Mark都笑言自結婚後發褔不少:「畀佢日日谷,肥咗廿磅。」Jade即時就在旁笑言:「日日出去食咪仲肥!」
Mark大爆Jade常找自己和囝囝做白老鼠試味,Jade即踢爆老公唔幫手煮飯:「我老公天生出嚟就係等食。」

而提問到Mark會否怕太太做主持會惹來是非時,Mark表示並不害怕,反而大力支持太太工作:「女人有事業係好事嚟架!煩少老公好多!」而Jade亦笑言自己不會與其他人過電:「我都有幾個仔啦!我話唔會就唔會。」

而今次節目的主題曲亦由Mark親自操刀作讓太太與側田合唱,Jade更透露除了花絮片中有Big4及單立文等作嘉賓之外,更會邀請李治廷、古巨基以及方中信等作客,以美食相伴共談軼事。

而節目《閨》的另一位主持側田亦是「煮得之人」,Jade更大爆他最近到日本偕靚女學整牛肉飯和叮噹餅,更非常喜歡煲湯,側田笑言:「我都煮咗幾十年架喇,一個人住都要食飯。(一煲湯飲好耐?)係呀,可以飲成個月,不過我咁鍾意飲,有時兩日就飲晒。」