張致恒「生擒」張智霖合照氹女友

藝人張致恒（Steven）同擁有32D惹火身材的珠寶小姐莊端兒（Xenia）恩愛到暈就街知巷聞，昨日仲係女友牛一，佢分享咗兩人慶祝生日時嘅咀嘴相！要冧掂女友，佢不惜使盡所有方法，包括惡搞埋《十月初五的月光》海報版，本身張海報嘅意境係型男主角張智霖（Chilam）揹住女主角余詩曼（阿余）嘅溫馨場面，依家Steven用自己個頭嚟代替阿余個頭，仲要擺咗個嘟嘴表情睩大對眼望住Chilam，突然變咗兩個大男人嘅「hehe」畫面，仲留言話：「當張智霖咩住張致恒！！！！！」咁搞笑，女朋友Xenia應該係好happy嘅，但係你有冇問過Chilam畀唔畀你上背先？