出戰國際小姐決賽!蔡曉瑩谷肥五磅備戰

20151024
東網電視
更多新聞短片
為咗令比堅尼效果更吸晴,Janet刻意增肥五磅。

2014年落選的前港姐蔡曉瑩(Janet)代表香港出戰泰國舉行的「國際萬國小姐」,她與78個佳麗爭25日舉行總決賽的冠軍。為了令穿起比堅尼時更有睇頭,Janet刻意增五磅,令身形更豐滿:「我每日都健身一小時,做多啲肌肉訓練,練靚啲手臂、腰同腳部嘅線條。」Janet又表示已逗留在當地近三星期,她接受《東網》訪問稱:「呢個選美比賽係宣揚停止戰爭與和平,冠軍將有一年任期,去唔同戰爭地區宣揚和平,好似伊朗、敘利亞咁。」

結識不同國籍佳麗

講到泰國曼谷早前發生爆炸案,問到會否擔心安全問題?Janet表示大會安排最少10個警察24小時跟隨佳麗。問到參加國際選美比賽,與參加港姐有何不同?她說:「呢度有好多唔同國籍嘅佳麗,識多咗好多朋友,而且大家文化唔同,學到好多唔同國家嘅風土人情。」首次穿上傳統服飾的她表示:「好鍾意呢個打扮,連髮型都係自己一手一腳搞掂,韓國佳麗就話我似韓劇裏面嘅奇皇后。」

有信心殺入20強

總決賽將於25日舉行,有信心打入20強的Janet表示以平常心面對比賽,比賽後就會回香港陪伴家人,亦謂不論賽果如何,是一個很好的經驗。

「東網巨星」fb專頁:
每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。
http://www.facebook.com/onccstars