郭富城考慮喺新濠影滙求婚：幾有創意

天王郭富城出席「新濠影滙星影盛典」的紅地氈，昨日50歲正日生日的他被現場傳媒祝賀生日快樂，他聞言開心地說：「多謝大家。（生日願望係成家成室？）係其中一個。（有對象未？）將來搵到同大家講同大家分享，希望到時大家祝福我，我會努力。（喺「新濠影滙」嘅8字形摩天輪上求婚？）幾有創意，考慮吓。（生日活動慶祝完？）完結咗，依家準備今晚嘅表演，我會同SISTAR、Mariah Carey同台，但分開表演，我係代表中國同香港，會畀心機，之後就準備新加坡嘅演唱會。」

問到會否有機會跟里奧勒度、羅拔迪尼路及馬田史高西斯見面？他坦言：「睇緣分，我會返後台換衫，準備個騷。其實我四個（包括未能到場的畢彼特）都鍾意，由細睇到大，三個演員嘅風格唔一樣，但都係好演員，馬田史高西斯係偉大導演，好期待欣賞由佢哋合作為新濠影滙拍嘅微電影。」

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。