茜拉香港開騷　廿四味幫拖！

馬來西亞歌手茜拉將於月尾舉辦首個香港個人演唱會，早前佢就為準備演唱會於9月已經搬嚟香港住一排，仲揚言會苦練多首廣東話以答謝歌迷支持，真係相當有心！

呢日樂隊廿四味成員阿傑就分享咗同茜拉練歌嘅相，佢仲大讚茜拉話：「為茜拉星期五嘅個人演唱會作綵排！佢堅係唱得嘅！」茜拉唱情歌唱到出哂名，而廿四味一向hip hop味道重，網友都話冇諗過有依個組合，仲好期待佢哋嘅crossover添！