楊千嬅公開夫妻相處之道：我唔會質問
20151029
東網電視
更多新聞短片
楊千嬅同老公丁子高之間（右圖）嘅相處之道就係在於「信任」兩個字。
藝人楊千嬅與導演黃修平接受有線節目《電影蒙太奇》訪問，大談與林海峰拍攝電影時的感受及趣事，黃修平更大讚千嬅是「典型香港女性」的不二之選：「一諗到要搵一個好代表到香港嘅女性，又要兼顧家庭同事業，我即刻諗起千嬅，佢係大眾公認嘅典型現代女性。」
與林海峰合演夫妻
戲中飾演千嬅丈夫的林海峰早前指是因為千嬅才參演，千嬅回應：「佢亂噏啫，其實佢都好鍾意個劇本，因為感動到佢，佢先演出。今次嘅合作好新鮮，我哋會演繹一對『非一般夫婦』，唔係sweet嗰種！雖然當中好多吵鬧，不過最後都係美好嘅。」
大談夫妻相處之道
現實生活中，問到千嬅與丈夫丁子高曾否因不信任對方而鬧出問題？千嬅坦言：「夫妻之間要百有分百信任，好多人查探對方係源於無安全感。如果我有懷疑，一定會先問自己係咪太敏感？有無『妄想被害症』？我會選擇觀察唔會質問，因為質問錯咗會造成無法彌補嘅傷害。」
遺憾學生時代冇人追
片中的年輕版千嬅是可人兒，不乏追求者。講到千嬅學生時代的情史，她無奈地回應：「我無架，當年讀女校，又未正到畀幾個男仔追，依家諗番都好遺憾，好想經歷吓。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。