傅又宣呻老公連12蚊婚姻註冊費都唔肯還
20151029
東網電視
更多新聞短片
傅又宣話佢老公基本求婚動作都冇做，仲要嗰50蚊新台幣婚姻註冊費都要佢自己畀。
歌手傅又宣（Maggie，前名：傅珮嘉）接受網台訪問，最近再闖台灣樂壇，跟老公及囝囝分開了足足四個月，期間老公只到過台灣一次探望她，Maggie說：「同佢WhatsApp又愛理不理，又懶回我，諗諗吓嬲嬲哋，咁啱同台灣藝人溫昇豪拍緊我自己新歌嘅MV，有親熱鏡頭，咁咪把心一橫send啲相激吓佢囉，點知佢隔咗好耐先淡淡然回一句：『不錯喔』...... 哼！」陪Maggie到電台的老公（周思甫）隔着直播室玻璃大笑，令她怒火燒得更盛：「有一件事仲嬲，我從來冇對外講過嘅，就係當年我哋結婚，雖然有共識，但佢連基本求婚動作都冇做，仲要嗰50蚊新台幣（約港幣十二元）婚姻註冊費係我畀嘅，一路都冇畀番我呀！」在「群眾壓力」下，周思甫答應會連本帶利還老婆：「50蚊港幣。」惹哄堂大笑。
節目中茜利妹又爆：「早幾日我執屋，發現一本你前男友嘅日記！」嚇得Maggie目定口呆：「吓…… 有啲咁嘅事？！」完全沒有印象。茜利妹續道：「應該係04、05年嘅事，當時你叫我幫你保管住。重點係，成本日記只得一版字，就係佢（前男友）對你嘅『愛的宣言』......」說到這裏，Maggie恍然大悟：「啊！嗰本！」此時其老公有反應，隔着直播室玻璃彈起來，Maggie淡定謂：「呢件事我都有話畀我老公知，你威脅唔到我嘅，哈哈哈！」茜利妹：「話時話，你同啲叫Steven嘅男性好有緣，現時老公又叫Steven，前緋聞男友又叫Steven（張致恒）囉呵呵~~」勁搞笑。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。