【激罕性感】祖兒透視裙晒微波：小兒科
20151029
東網電視
更多新聞短片
祖兒今日難得性感上陣，仲話呢啲係小兒科添。
容祖兒以極性感姿態出席內衣品牌活動，她身穿透視連身裙亮相，記者指她衣着很性感，她笑說：「好小兒科，講緊我身材。（多唔多買性感內衣？）有部分由媽咪代勞，有時唔方便自己走出去買。（品味得唔得？）唔好懷疑我媽咪嘅品味，有時都幾驚喜。（鍾意咩款式？）唔好咁花巧，幾驚啲花邊款，鍾意簡約啲。」
爆同劉浩龍一齊揀內衣
問到男友有否送內衣給自己？她說：「冇喎，呢啲係有情趣嘅，但我覺得唔係話送一件t-shirt咁容易啱着。（問佢意見？）好少，我欣賞靚嘅內衣，其實好多靚嘅內衣係啱睇唔啱着。（有冇送過畀男友？）我會話呢件幾好，同佢一齊揀。」
唔buy情侶檔
談到其偶像劉青雲早前夫妻檔拍廣告，自己會否亦情侶檔上陣？她說：「唔使啦，雖然大家唔介意欣賞同戥我哋開心，但我希望工作上可以分開、獨立。（賺多啲喎）有好多唔同方法去賺多啲，呢個唔係我想嘅方法，錢係賺唔晒，最緊要係自己覺得舒服。」
曾跟黃翠如鬧交
問到是否跟藝人黃翠如很老友，她表示7歲已認識對方的家姐：「以前冇咁friend，最難忘係佢以前覺得我搶咗佢家姐，小息捉咗我落操場鬧交。（有冇睇佢嘅潮文？）睇咗少少。（覺得佢同蕭正楠定洪永城襯啲？）尊重佢嘅選擇，有種友誼、感情比起愛情更長久，有知己喺你心裏面仲好，有時有距離係會仲嚟得美麗。（你有冇咁嘅知己？）大把，多到你唔信，霎時間未可以逐一介紹你哋知。（我哋識唔識？）梗係識，圈中人，朋友係要經歷，未需要發生愛情。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。