苗可秀戲癮發作回流重返幕前

提起苗可秀（Nora），不得不提李小龍，當年在《唐山大兄》、《精武門》及《猛龍過江》中擔任女主角的Nora，雖然沒有李小龍的身手，但她清秀的氣質依然令人驚艷，多年來演出無數電影和劇集的她到八十年代，才淡出影圈移居加拿大。不過早年開始戲癮發作的她，曾回港分別跟古天樂、官恩娜和泰迪羅賓等合作，以玩票性質客串。

對有個性角色有興趣

然而，戲癮一發不可收拾，終於Nora決定回流重回幕前，她笑說：「戲癮，梗係有啦，唔係返嚟做咩？以前拍戲就比較局限，做嚟做去都係俠女果啲角色，依家見種類好多元化，好新鮮。」至於新動向，她就透露已經有新片洽談中，對於角色及電影類型，她就持開放態度：「我哋呢啲年紀，唔可以用以前心態啦，唔需要太着重邊個係主角邊個係配角，反而有特色有個性嘅角色，我會仲有興趣。」