寓意金槍不倒？小齊帶槍幫家強預祝生日

由任賢齊、黃家強、梁漢文（Edmond）及蘇永康組成的「男人幫」於台北舉行一連兩日的演唱會終於圓滿結束！繼早幾日四子在綵排時為Edmond的農曆生日慶祝後，佢哋亦為黃家強51歲生日舉行預祝派對，更為演唱會成功而乾杯！黃家強仲分享咗一段四子一齊開香檳嘅片，Edmond仲大擺搞笑甫士，擘口作狀KO整支香檳，開心事連連，梗係嗒得杯落啦！之後，任賢齊亦緊接地晒生日相，佢仲好搞笑咁拎咗幾支槍嚟做道具擺甫士影相，佢留言話：「好朋友創立了模型氣槍品牌！帶了全球代理的新產品來探班！演唱會後台都是軍火！順便提前幚（幫）家強慶生！」睇嚟之前佢哋為演唱會準備得太落力嘅關係，依家要玩番夠本嚟釋放壓力！