【鐵漢柔情】爆肌何潤東抱小狗自認好奶爸

台灣型男何潤東出名大隻就個個都知，佢仲周不時會孖住好友郭品超去Gym room狂操！今日，佢就上載咗幾張抱住隻小狗嘅相上微博，相中嘅重點唔係小狗有幾得意，而係睇下着住背心嘅何潤東點樣用佢強而有力嘅手臂抱起隻小狗，點樣完美展露佢爆肌嘅手臂同胸！嘩！使唔使咁大隻呀！難怪網友都留言話：「你是來晒肌肉的嗎？」不過，大隻都有柔情嘅一面，你睇佢甜到漏嘅笑容就知。連佢自己都留言話：「我應該會是一個好奶爸！」講到呢到，網友梗係會留言問：「那你甚麼時候生一個呢？」