關之琳驚爆離婚足本 劉嘉玲：一頭霧水
20151104
東網電視
更多新聞短片
53歲關之琳與59歲富商陳泰銘關係一直撲朔迷離，雖然二人一直盛傳已婚，但當時人依然三緘其口。近日盛傳二人已分手，對此關之琳今日在台灣出席公開活動時，不但承認與陳泰銘分開，竟驚爆二人是離婚，令中港台傳媒大感嘩然。
雖然現在是離婚狀態，但關之琳心情卻未有異樣，全程笑咪咪的她，被問到感情狀況時，不其然殺出一句「我們不是分手，是離婚」，因而震驚全場。以下為她的訪問全文撮要：
「愛情的狀態，還好吧。其實我們不是分手，我們是離婚。對。」問到二人何時結婚、何時離婚，再見還是否朋友等，關之琳都不願多談，但卻表示心情很好：「都放下了。」更主動轉話題表示：「最近上一個禮拜的新聞，你們也有看吧，我覺得他們不是小孩，已經是成年人，他們沒有想過其他人的感受。就這樣了。」由於上星期關於關之琳同陳泰銘嘅新聞，就係佢哋兩個感情現危機，同埋陳泰銘被影到同劉嘉玲行山，所以之之到底講緊咩，真係呼之欲出。
最後關之琳示意想結束訪問，但有記者追問她現時是否很多人追求她，她即風騷表示：「今天開始。」看來她已做好心理準備，迎接新一段感情。
對於之之意有所指，劉嘉玲接受《東網》電話訪問時，坦言：「我都一頭霧水。」她續說：「我都係今日先知佢結咗婚，亦係今日先知佢離咗婚。傳媒知咁多，我就知咁多。」
朋友約埋行山好正常
她又指與朋友行山是一件很普通的事：「我哋都係一班朋友，定期有聚會，大家會講吓近況同嗜好。原來好多人鍾意行山，一來可以呼吸新鮮空氣，二來可以鍛鍊身體。既然有共同嗜好嘅人，啱時間，啱日子，約埋行山有咩問題？我同發哥都有行過山架。」
嘉玲：我光明正大
嘉玲又指，對於關之琳離婚一事，不方便回應太多，並謂：「最好陳泰銘先生自己行番出嚟講。」問到知否為何之之這樣說，嘉玲表示：「我無睇片，唔知佢咩情況下咁講，亦唔想去猜測。總之我光明正大，件事會水落石山。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。