傳陳茵媺第三胎係女 陳豪冇所謂睇天意
20151105
東網電視
更多新聞短片
陳豪話太太陳茵媺未照超聲波，所以未知BB性別。
藝人陳豪和邵美琪，在尖沙咀為無綫電視劇《完美叛侶》拍攝外景，吸引大班遊客圍觀，拍攝二人十指緊扣拍拖戲份。
陳豪表示這場戲是煞科戲，大團圓結局，劇中講述二人曾出現婚姻問題，如疑似有小三出現的情節，陳豪表示像一般婚姻之間出現的問題一樣，如男方疏忽女方、女方又懷疑男方有小三。問到現實生活中有否被太太陳茵媺懷疑過，他則謂：「我哋very good，因為大家性格好似，若有事有少許嗌交，都能夠互相諒解。」
陳茵媺懷孕多脾氣
問到太太陳茵媺現在大肚是否會有較多脾氣，他坦言當然會，但指是正常的，並謂最緊要大家怎樣去解決個問題，不傷和氣最重要：「要用溫和嘅字眼去解決，因為激烈嘅字眼只會傷害對方，百害而無一利，大家都要冷靜。」
對於有傳陳茵媺懷第三胎是女兒，陳豪謂：「唔知喎，都未照，冇所謂啦，睇吓個天畀咩我。可能畀三劍俠我呢，又或者畀個女我，無論點都好，我係圓桌武士。」
未收杏兒請帖
對於有傳胡杏兒與丈夫將在沙頭角擺酒，陳豪坦言：「唔清楚，自己亦未收到請帖，係咪會請我架？如果請我一定去撐到底。」
誘邵美琪講粗口
同場邵美琪被問到在大庭廣眾與陳豪拖手會否感到尷尬，她笑言：「無特別，因為由朝已經拍到晚，期間好多遊客出現，反而同陳豪嗌交或講粗口就會。」在旁的陳豪即表示未聽過對方講粗口，還笑言可以表演一下。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。