張韋怡幫一歲仔報學校　每星期上5日堂

「味之天使」中的啤梨張韋怡帶同囝囝到電台接受訪問，透露囝囝於本月11日便滿一歲，直言時間過得很快，問到會否再生？她表示有計劃，但希望是三至五年後：「等我唞吓先，依家拍緊劇，之前生BB唞咗年半，同埋想專注一個先。」問到拍劇時會否掛念囝囝？她坦言：「會呀！我幫佢開咗Facebook擺相，會去睇相，不過有時開夜唔會有太大影響。」她亦表示老公很支持自己繼續拍劇，而她笑言自己不能停下來。

問到湊囝囝會否很辛苦？她表示不會，但經常抱囝囝導致患肩周炎：「佢愈大愈嗲我，而我鍾意親力親為。（會唔會瞓得少？）我瞓得少都得。」她透露囝囝尚算易湊，只要有食物他便會聽話，然而吃太多不怕囝囝過重？她表示：「囝囝一路都超重，但醫生話三歲之後先控制，而囝囝出世7.6磅，依家頭圍同體重都已經係兩歲到兩歲半。」至於她會否怕成怪獸家長？她坦言有時跟已為人母的朋友聚會，對於別人已為小孩計劃好一切時，自己會有壓力：「好似我playgroup報咗三間，因為有啲係你唔讀呢間之後升唔到上去某啲學校，我哋陪佢讀都攰，同時幫佢睇吓邊間可以幫佢報到想讀嘅學校。」她表示囝囝每星期花五日上堂，直言想不到自己蠻「怪獸」！

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。

http://www.facebook.com/onccstars