杏兒訂婚賀牛一？子羚：今晚應有好消息
20151106
東網電視
更多新聞短片
子羚（左圖）笑成咁，睇嚟今晚應該會有好消息。
藝人姚子羚到將軍澳電視城出席新劇《廉政行動2016》開鏡拜神儀式，訪問提到其好姊妹胡杏兒有傳將於圍村成婚與今晚舉行的生日會中訂婚時，子羚故作神秘謂：「我唔知佢今晚個鋪排係點，我淨係知道佢以生日名義邀請大家出席，詳細你哋問番杏兒本人啦，唔代答。（做姊妹唔使幫手？）今晚無喎，咁梗係交畀Philip（杏兒男友）搞啦，佢當然要為佢女朋友搞第一年（共度）嘅生日啦！所以我都唔插手喇！」
漏口風預告將有消息公布
另外，子羚透露杏兒的婚禮服裝籌備，將由開辦婚紗店的杏兒自己安排。問到何時結婚時，子羚即變得有口難言：「只能夠話畀大家聽，過埋今晚應該會有好消息，畀番佢哋兩口子公布啦。（參加過圍村婚禮？）台灣嗰啲去過，香港未，杏兒無話畀我哋聽，唔知係咪真，同埋我覺得喺英國行又好，香港定祠堂好，最緊要係佢搵到錫佢嘅人，開心幸福，咩形式唔係最重要。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。