面對負評想自殺 鄒莉盈靠飛車減壓

20151108
東網電視
更多新聞短片
Ceci話啱啱出道時喺網上有好多負評,曾經有睇唔開想做傻事。

有「翻版高海寧」之稱的「辣車女神」鄒莉盈(Ceci),是新進跳唱組合B.Gs主音之一,自小想成為歌手的Ceci,出道一年已隨B.Gs在內地演出近一百場,Ceci更成為多個不同品牌的代言人,早前和隊友以近百萬酬金接下香水廣告,遠赴法國拍攝,最近則忙於灌錄EP,與隊友方堯(Yona)、周汶希(Jovi)、宋英秀(Onna)合作無間。

內地巡演遇險

講到在內地的近百場演出,Ceci表示曾發生不少趣事:「好多次都因為時間問題我哋未必有得綵排,所以喺舞台上走位都好靠自己臨場執生,初時都差啲撞埋一齊,有次個表演有煙花,事前又冇同我哋講,爭啲連頭髮都燒埋!」

望似高海寧受歡迎

被指似「翻版高海寧」,Ceci說:「可能係大家嘅笑容都比較陽光啩,我最希望可以似佢嘅事業步步高升、一樣咁受歡迎。」不過,成功背後Ceci亦曾經歷壓力爆煲邊緣,更想過自殺,她說:「嗰段時間B.Gs啱啱出道,網上有好多唔同聲音,有啲都幾難聽,自己試過想唔開,不過依家已經學識要輕鬆面對,得閒坐吓朋友車遊吓車河,風馳電掣,將煩惱拋開,係最佳嘅減壓方法!所以我會盡快考個車牌,到時可以自己周圍去。」
(場地提供:OSCARPRO WORKSHOP,TW AUTOSPORT,泰力電單車)

「東網巨星」fb專頁:
以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。
http://www.facebook.com/onccstars