After10認脾氣差兼硬頸拒簽經理人

樂隊After10帶同新派台歌《上個你下個你》到電台宣傳，自由身的三子坦言所有東西都一腳踢，就連派台碟都要自己親力親為，他們說：「係好辛苦，派台碟都係喺內地網站印，依家盡量慳得就慳，玩Band係無底深潭。」曾簽約經理人的三子坦言嚇怕，已回復自由身的他們說：「我哋好硬頸，脾氣又唔係好受管制，所以都唔好簽經理人。」各自有正職的三子透露做一首歌平均要六、七千蚊，他們說：「三個人平均分都OK。」