秦啟維簽約無綫主持綜藝節目

20151108
東網電視
更多新聞短片
秦啟維話自己會喺綜藝節目方面主力發展。資料圖片
藝人秦啟維(維維)自今年結束與亞視22年的僱傭關係之後,隨即投資開設新視頻應用程式做埋老闆,近日他更在其演藝事業上再下一城,成功跳槽到無綫簽約成為藝員,主力以綜藝節目方向發展。維維坦言今次跳糟是經一位綜藝節目監製推薦成事,而自己決定簽約亦是為了尋獲更多亮相的機會:「作為一個演員,我喺亞視真係餓咗好耐。學張家輝話齋,有人睇真係好重要,收視率勝於一切,上次喺街有人認得我,話喺無綫見到我做得幾好,其實嗰個係一個另一個台嘅節目喺無綫播。(唔怕無綫多人才?)同更有能力嘅人合作係我想嘅嘢,我係抱住一個學習嘅心態,其實去到我呢一刻都無嘢好驚。」維維更大讚無綫資源多,節目多元化,製作亦很有計劃,認為今次簽約是人生的一個好嘗試。