老公恨仔!葉翠翠唔配合狂食魚雞想要女

20151108
東網電視
更多新聞短片
翠翠話老公想要仔,所以老公已經戒食肉,但佢自己就想要女,所以唔配合老公狂食魚同雞!

藝人葉翠翠及黃榕到尖沙咀出席活動,翠翠透露有生B計劃,說:「計劃中,但先生已經開始戒食肉,佢話想生仔,我就想生女,所以我冇配合,日日食雞食魚,等天意安排,佢就好投入,堅持連魚都唔食,不過佢呢排的確瘦咗。(你老公會否追到仔先畀你停工?)我計劃生2個,如果2胎都係女,都冇法,若然頭1胎係龍鳳胎,都會停,總之兩個。」

翠翠又高興宣布剛續約無綫,說:「11月續咗約,公司主動畀咗好好嘅條件我,但合約內容我唔可以透露,年期都唔知可唔可以講。不過我好開心公司出咁好條件畀我,我自己其實都好想繼續留喺公司,冇諗過要走,想繼續做主持同拍劇,冇諗過唔做嘢,即使第時有咗BB我都會照開工。」