為巡演冇啖好食 千嬅想停低休息擦餐勁
20151109
東網電視
更多新聞短片
楊千嬅早前到佛山演出，佢透露巡演一年多，好想休息，但又有種魔力令佢想留低！
歌手楊千嬅的「楊千嬅Let’s Begin世界巡迴演唱會2015－佛山站」已順利舉行，來到第四場演出，已有5、6年沒有到過佛山演出的千嬅大受歡迎。
狂讚林德信靚仔
今次她請來林德信（Alex）擔任表演嘉賓，Alex表示：「好開心有機會同千嬅首次合作，不過最開心係可以拖到千嬅隻手。」期後二人合唱一曲英文歌《Something Stupid》，千嬅在台上搞笑說：「其實今次應該係nice to meet you，但我哋係Something Stupid，is not very stupid！」千嬅又讚Alex靚仔，她笑問台下觀眾：「係咪好靚仔呢？睇你哋個樣呆晒啦！個樣似唔似爸爸（林子祥）？都係咁靚仔，吓？唔係咁似，但係又靚仔呀！咁唔好再講喇！」
有首歌…唱到一半就想喊
千嬅在每場巡演中都有不同要求，今次她新添神秘黑色露香肩晚裝及白色仙子長裙兩套新衫。在演唱會中，千嬅挑選了一首陳奕迅主唱的《十年》，千嬅笑說：「我係十年x2呀，yeah，十年中有好多值得回憶嘅歌曲！我記得有一首歌，當時嘅我唱得非常激動，仍然記得每次唱到一半就會哽咽，因為歌詞太到位，我係好在意啲歌詞，呢首歌係《假如讓我說下去》。」感性的千嬅對台下觀眾表示，有很多歌令她很感動，她在演唱會期間是長期處於感動狀態，尤其見到有這麼多朋友來支持她。
唔捨得舞台
繼佛山站之後，千嬅將於本月21日飛到馬來西亞巡演，她表示由香港一直巡演至今已經橫跨了一年多，她不斷要keep住工作、狀態及聲音保養，她覺得是時候要休息，不過其心情又十分矛盾地捨不得，因為歌手站在台上會去到忘我境界，有種魔力想留下來，千嬅說：「其實我最希望做完之後係可以食嘢，我好耐冇大魚又肉，聖誕要放膽食先得！」
拍爆喊戲搞到頭痛
千嬅除了忙於巡演外，同時亦有參與電影宣傳，千嬅身邊不少朋友看完都很感動，覺得尋回回憶。她又回想起拍攝時有場爆喊戲，拍完之後回家頭痛，因為太過投入。雖然情緒上不舒服，不過她卻享受拍攝；她又指以前拍激動傷感戲會將情感帶回家，不過現在回家一見老公及仔仔便會抽離角色，變回媽咪。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。